Spitzenmäßige Plattproters
Marianum ermittelt Schoulsieger:innen
Von A. Kossen, 17.03.2023
De Schoulsieger:innen ut de Johrgänge 5 un 6 mit de Jury
„De Spraok is olt, du hollst ehr jung. Maok wieder so!“ – Unner düt Motto funnt de Schoulrunde van denn plattdütsken Lesewettbewerb van de Landschaft Emsland Bentheim un van de Sparkasse Emsland uck bi us ant Marianum statt. Schoilkers ut de Altersgruppen „fiefte bis sessde Klasse“ un „negente bis dateinte Klasse“ habt sück mit hella unnerhaltsame Geschichten un Döhntkes de Jury ut Herrn Breer un Herrn Kossen stellt. In de Altersgruppe „fiefte bis sessde Klasse“ fulltet de Jury besünners schwoor de Spitzenplätze to besetten! Eva Reuvers, Lena Reuvers un Enno Bentlage habt alle Dreije eer besünneret Köhnen unner Bewies stellt – eenwandfreijet Platt gepaart mit eene hella owertügende Betonung un een gekunnten Insatz van Gestik un Mimik! Dat habt ie richtig gout mooket! Mooket wieder so! Enno un Lena weert up jeden Fall tohoupe mit Jan Kronshagen ut de dateinte Klasse an de „Kreismeisterschaft“ int Platt leesen Ende April in Lingen teilnehmen. Un wi hopet, dat uck Eva dor nochmal antreern dröff!