Plattdütsk-AG up Wiehnachtsbesoik int Marienhaus
Von A. Kossen, 13.12.2023
Vandage habt de Schoilkers ut use Plattdütsk-AG Bewohnerinnen un Bewohner van´t Alten- und Pflegeheim Marienhaus in use Nahbarskup besöcht. In de lessden Weeken harn se een adventlichet un wiehnachtlichet Programm binannerstellt, wat se nu up Platt vördreegen kunnen. Use Schoilkers habt Gedichte upseggt, Geschichten van´ Sünnekloos un van de Engels vörlesen un de Wiehnachtsgeschichte as lüttket Theaterstück upführt. Toun Abschluss habt de Bewohnerinnen un Bewohner dann de Schoilkers een hella moijet plattdütsket Wiehnachtsleeid vörsungen!Sotoseggen as Tougobe drüssen use Schoilkers dann uck noch up de Geburtsdachsfier van eene Bewohnerin, de vandage eeren 100. Geburtsdach haf un fiert, de Wiehnachtsgeschichte upführn – wat för eene Ehre up so een besünnern Dach! Wi wünschet van Harten Alles Goude. Allerbesten Dank, dat wi vandage hent Marienhaus kohmen drüssen. Wi freut us, wenn wi us bolde weer seeit!
Frohe Wiehnachten!