Erfolgreiche Plattproters ant Marianum
Von A. Kossen, 28.06.2021
Uck dit Johr, midden in de Pandemie, haff den plattdütsken Lesewettbewerb van de Emsländische Landschaft un de Sparkassenstiftung stattfunnen. Een Team van insgesamt 11 Schoilkers ut alle Johrgänge (5-12) haff de unnerscheeitlicken Schoulentscheide ant Marianum gewunnen. Tou de Schoulsiegers tellt Klara Düring, Leoni Eilers un Lisa Gerdes (Eenzelwettbewerbe) un de tou Luise Gierets, Jule Sielker, Johanna Meyer, Matheo Thomes, Lucas Cantzen, Lukas Schene, Jan Kronshagen un Alexander Basenius (Gruppenwettbewerbe).
Nahdem sei de Schoulentscheide wunnen harn, mössen sei alle wegens de Pandemie eere Texte upt Band proten, so dat wi disse för denn Landesentscheid henn Hannover schicken kunnen. Dor weert de Tonupnahmen nu utwertet un faste stellt, well in Needersassen an besten Platt proten kann. Wi bünt all gespannt up de Ergebnisse un fiebert denn Jury-Entscheid tomoijte! Spaß mooket haffet nu aber uck all hella, dor bünt sück de Schoilkers un Schoulmesters eeinig! „In so een Mikrophon to proten is eene ganz annere Kiste. Ich vermisse dat Publikum uck wall een bittken.“, mennt Matheo Thomes. Johanna Meyer sütt aber uck dat Positive an de besünneren Bedingungen: „Een Moal habt wi midden in de Upnahme richtig loslachet. Dor mössen wi nochmal neei ansetten. Dat tou köhnen, is een grooten Vördeeil, wenn du nich fört Publikum steist.“
De plattdütsken Schoulmesters Frau Tengen un Herr Kossen freut sück, dat de Schoilkers mit so masse Pleeseir Platt protet un habt all de nächsten plattdütsken Aktionen int Ooge.
Usen besünneren Dank gilt de Emsländische Landschaft un de Sparkassenstiftung för de Geschenke sowie Hubert Schwenen vant Marianum för siene herausragende technische Unnerstützung! Besten Dank!!