Platt Satt Festival ant Marianum
Erfolgreiche Plattproters loort in!
Von A. Kossen, 06.10.2021
Bi denn plattdütsken Lesewettbewerb van de Emsländische Landschaft un de Sparkassenstiftung is denn Beitrag van use plattdütske Theatergruppe ut denn jetzigen Johrgang 13 as „hervorragend“ utteiket woorn! Gesche Gloystein un Hermann Bröring van de Emsländische Landschaft habt in denn Rohmen van een lütke Feierstunde eere Glückwünsche, eene Urkunde un een Geldpries owerreichet. Herzlichen Glückwunsch an Alexander Basenius, Lucas Cantzen, Jan Kronshagen (fehlt up dat Belt) un Lukas Schene!
De Plattdütsk-AG loort alle Interessierten ut Schoulgemeinschaft un Öffentlichkeit nächste Weeke to een moijen plattdütsken Nahmedach in denn Rahmen van dat Platt Satt Festival van de Emsländische Landschaft ant Marianum in!
Dissen finnt Mirreweeke, an 13.10., üm 16.00 Uhr statt un duurt so ca. bis binuhroff 17.30 Uhr. Eene Vöranmeldung is nich (!) erforderlich.
Use Schoilkers (Johrgang 6 bis Johrgang 13) ut use Plattdütsk-AG un ut use plattdütske Theatergruppe weert een poor lustige un interessante Geschichten vördrägen! Also, weeset dorbi!
Mirreweeke, 13.10., 16.00 Uhr ant Marianum (De genaue Ort wat utschildert.)
Intritt: Groote Lüe 2 €, Kinner un Schoilkers 1 €
Pandemiebedingte Regeln: „3G" (Nohwies mitbringen!), Abstand holln, Hande wasken un de Maske upsetten.
De Schoilkers un Paukers freut sück up jauen Besoik!