Plattdütsk-Schooltheaterdag an´t Marianum
Stimmungsfulle Plattdütsk-Veranstaltung in use Aula
Von A. Kossen, 12.07.2026
Foto: Til Beckers
Am 10. Juni haf de Fachstee Plattdütsk van de „Emsländische Landschaft e.V.“ eeren Schooltheaterdag bi us an´t Marianum dörführt, unner de Leitung un Organisation van Gesche Gloystein un Til Beckers. Schoilkers van de Grundschoulen Heeije un Borger, van de Grund- un Oberschoulen Rütenbrock un Rheeije, van de berufsbildende Schoule Marienhausschule sowie van´t Gymnasium Marianum habt sück in eenen humor- un stimmungsfullen Vörmiddach kegensietig Döhntkes vertellt, lüttke Theaterstücke vörspeelt un mitnanner sungen un danzet – un dat alles up Plattdütsk! De Geschäftsführerin van de „Emsländische Landschaft e.V.“, Frau Veronika Olbrich, haf sück bi alle Schoilkers, Schoulmesters un bi Frau Gloystein un Herrn Beckers hella hartlick för´t Organiseern un Mitmooken bedanket, uck bi us, för dat besünners goude Mitnanner in de lessden Johren. Wi alle mitnanner holt use moije plattdütske Sprooke lebendig! Uck wi segget „Allerbesten Dank!“ an alle, besünners uck an de Sparkasse Emsland un de Emsländische Landschaft för de moijen T-Shirts!