Plattproters bringt wiehnachtliche Stimmung in´t Marienhaus
Von A. Kossen, 11.12.2025
Uck dit Johr haf use Plattdütsk-AG de Bewohnerinnen un Bewohner in´t „Marienhaus“ in use Nohbarskupp besöcht un een buntet Advents- un Wiehnachtsprogramm – natürlich up Platt – vörstellt. In eere Döhntkes habt use Schoilkers sowohl humorfulle as uck ernsthaft besinnlücke Töne anschloorn. Dorbi habt se in Anlehnung an de Wiehnachtsbotschaft dorför worben, dat man in de Höchten un Deeipten van´t Leewen up dat Fundament van de Toversicht an Leevde, Freden un Vertroon fasteholln schall. Een Bewohner ut dat Marienhaus haf ebenfalls eene feine pleeiserlicke Geschichte vördrogen. Ofrundet woort dat Namedages-Programm dör de inszenierte Wiehnachtsgeschichte up Platt un dat gemeinsame Singen van „Stille Nacht – heilige Nacht“ un „Well kump dor mit denn grooten Sack ower´t schmale Funner?“. Wi wünsket alle, de in´t Marienhaus wohnt of arbeitet, eene moije Adventstiet un een gesegnetet un frohet Wiehnachtsfest 2025! Touken Johr kohmt wi sehr gerne weer!
