EXTRAPLATT !!!

 

Marjanum söcht den Läsestar – glieks 4 dorvan wörn funnen


Von C. Migura, 12.03.2015
An' Maondag, den 9. 3. wörd weer de Plattdütske Vörläsewettstried för dat Marjanum affhollen. Ale de Winners van de enkelden Klassen wassen tohope kaomen, üm de besten Vörläsers van de häile Schaule ruttaukriegen. De mäisten härrn sück moie Stückskes utsöcht und däi uck pass vörstellt. Faken göw't wat tau gniesen of tau lachen.

De dräi Lüe in de Jury, Daniela Wecke för de Öllern un de twäi Schaulmesters Hermann Breer un Christoph Migura, wassen heller taufräe mit de öndlicken Vördräge. Ehr füll dat wücklich nich so licht, de Allerbesten ruttauhörn. Man taulesde kunnen säi sück doch entschieen un kömen mit ehre Urdäile öweräin.

Un de Oskars* güngt tau:
  • Katharina Kolkmann, 6f
  • Christopher Determeyer, 7c
  • Maria Backers, 9d
  • Janik Bernzen, 11 d7

Dicke Gratulation!

Use Schaulwinners drückt wi faste de Doomen, dat säi wiederhenn so gaud läst un noch äin poor Runnen in den Wettstried upstieget.


* hier van use Sponsor, de Spaorkasse Ähmsland, in de bekannte flacke Form utdäilt