Plattdütsket Vörläsen:
Elena un Kathrin int Finale |
|
| |
Van Christoph Migura
Int Finale van den plattdütsken Läsewettstried 2007 wassen use Schöilerinnen Elena Westendorf un
Kathrin Robben vörstoten, jeetmaol as de Ersden in'n Bezirk Ossenbrügge-Ähmsland. An Maondag, den
16. 7. göng et in dat "Oceanis" in Willemshaoben dorüm, wecker van de sess Besten in Neersassen nu
de Näse ganz vörne hä'e. De baiden Wichter vant Marianum läsden weer heller gaud - dütlick un
quicklebennig, man de gröttsten Trüwer kreegen se an düssen Dag nich to packen.
Trurig brukt se dorüm aver nich wäen, wor se sück so gaud in den Wettstried kägen 20 000 annere
Vörläsers hollen häbbt.
Wisse luert Elena all up den nächsten Anloop in twäi Jaohr; un Kathrin, däi jüst ehr Abitur makt
häw un dormit för den Schöiler-Wettstried allto grote Föite krägen häw, kann sück vörstellen, bit
nächste Maol in de Jury to sitten - van Plattproten verstaiht se ja wat - dat is naowiesen.
Dat Marianum fraiht sück äower 550 € , wecker de Wichter näben ehre äigene Priese uck för de Schaule
wunnen häbbt. Dat helpt use Böikeräi, up den näisten Stand to bliewen.
|
| |
|
